Папа можа прыехаць у Беларусь без згоды Праваслаўнай Царквы
- Падрабязнасці
- Апублікавана 10.04.2015 22:41
Для візіту ў Беларусь Пантыфіка ў якасці кіраўніка дзяржавы не патрэбны “дазвол” Беларускай Праваслаўнай Царквы, заявіў айцец Сергій Лепін, старшыня сінадальнага Інфармацыйнага аддзела вышэйузгаданай Царквы. “Наш Прэзідэнт запрашае да сябе кіраўніка іншай дзяржавы, і калі гэта дзяржаўны візіт, Беларуская Праваслаўная Царква ў гэтым не прымае ніякага ўдзелу, і ніякіх “дазволаў” з яе боку ў дадзеным пытанні не патрабуецца”, - заявіў праваслаўны святар, словы якога прыводзяцца на сайце church.by.
Перадача "Свята душы" - гэта рэпартаж Таццяны Смоткінай пра падрыхтоўку і святкаванне Вялікадня сярод духоўных асоб на Глыбоччыне. Яна прагучала 5 красавіка на Беларускім радыё "Рацыя". На пытанні Таццяны адказваюць біскуп Віцебскай дыяцэзіі Алег Буткевіч, пробашч парафіі ў Удзеле а. Яраслаў Банасяк, кс. Віктар Місевіч і сястра францішканка Сям'і Марыі Людміла Рубніковіч з Глыбокага. 
У нядзелю, 5 красавіка, ва ўрачыстасць Змёртвыхпаўстання Езуса Хрыста, валанцёры парафіяльнага “Карытас” разам з сёстрамі Францішканкамі Сям’і Марыі Вандай і Людмілай наведалі хворых людзей, якія знаходзяцца ў псіхіятрычным дыспансеры ў вёсцы Петрунова Глыбоцкага раёна. Валанцёры прывязлі с сабой асвечаныя яйкі, кулічы, якія глыбоцкія парафіяне асвяцілі ў Вялікую Суботу і ахвяравалі з гэтай мэтай. 
Познім суботнім вечарам глыбоцкая святыня пачала напаўняцца вернікамі, якія прыйшлі даведацца вялікую навіну для ўсяго свету. Вялікі касцёл у Глыбокім, але і ён не здолеў змясціць усіх жадаючых. Святая Імша Вігіліі Пасхальнай распачалася на вуліцы абрадам святла, дзе быў асвечаны агонь і ад яго быў запалены пасхал. 
Паводле традыцыі ў Вялікую Суботу адбываецца асвячэнне страваў на Велікодны стол. 
