Пастырскае пасланне біскупа Віцебскай дыяцэзіі Алега Буткевіча на Вялікі пост
- Падрабязнасці
- Апублікавана 21.02.2018 22:29
Паважаныя святары, шаноўныя браты і сёстры ў манастве, дарагія вернікі!
На пытанне вучняў Яна Хрысціцеля адносна посту Езус адказаў: “Ці могуць быць у жалобе госці на вяселлі, пакуль з імі жаніх? Але прыйдуць дні, калі будзе забраны ад іх жаніх, і тады будуць пасціць” (Мц 9, 15). Уваходзячы ў перыяд разважанняў пра Пасхальныя таямніцы жыцця Езуса Хрыста, у той час, калі стаўся “забраны ад іх жаніх”, мы распачалі саракадзённы Пост. На самым яго пачатку мы пачулі словы Хрыста: “Кайцеся і верце ў Евангелле!” Крыху раней, перад згаданымі словамі ў Евангеллі, Езус дае гэтаму матывацыю: “Споўніўся час, і наблізілася Божае Валадарства”(Мк1,15).
Вялікі пост - гэта час не толькі малітвы, адрачэння ад ежы ці звычак; гэта таксама асаблівы час, каб упарадкаваць сваё жыццё, прымірыцца з непрыяцелямі, прысвяціць час родным, блізкім і сябрам.
14 лютага ў Каталіцкім Касцеле - Папялец - пачатак Вялікага посту. 
14 лютага ў Каталіцкім Касцёле адзначаецца Папяльцовая серада (Папялец) — першы дзень Вялікага посту. Вялікі пост з’яўляецца перыядам супольнага пакаяння. Што кажуць нам пра гэты перыяд дакументы Касцёла?
