Ужо вельмі хутка распачнецца пілігрымка на ўрачыстасці Маці Божай Будслаўскай, якія ў гэтым годзе адбудуцца 5-6 ліпеня. Будслаўскі фэст у 2019 годзе пройдзе пад дэвізам «Каралева сем'яў, маліся за нас!». З праграмай урачыстасці можна азнаёміцца тут>>
30 мая ў глыбоцкіх школах прагучаў апошні званок для адзіннаццацікласнікаў. Ужо стала добрай традыцыяй, калі на ўрачыстую лінейку запрашаюць духавенства. Адміністрацыя другой сярэдняй школы заўсёды запрашае каталіцкага і праваслаўнага святароў, каб скіравалі да выпускнікоў словы настаўлення на далейшы шлях.
28 мая ў Глыбокім прайшла сустрэча катэхетаў, падчас якой былі прадстаўлены падручнік і сшытак «Бог любіць мяне» — для вучняў, якія першы год рыхтуюцца да сакраманту пакаяння і Эўхарыстыі. Прэзентацыю дыдактычных матэрыялаў правяла іх аўтар с. Нунэ Цітаян.
27 мая вернікі Глыбокага адзначылі парафіяльны фэст у гонар Найсвяцейшай Тройцы, якога з нецярпеннем кожны год чакаюць. Урачыстую святую Імшу ўзначаліў дапаможны біскуп Гродзенскай дыяцэзіі Юзаф Станеўскі. Прыбылі таксама святары з дзеканату і іншых парафій, большая частка якіх несла паслугу ў сакраманце пакуты ў канфесіяналах.
26 мая ў Глыбокім у другі раз прайшло спатканне сем’яў, т.зв. "маёўка". Сужэнствы сабраліся разам, каб скончыць "навучальны" год, на працягу якога яны збіраліся кожную трэцюю сераду месяца і вучыліся ўзаемнай любові, прабачэнню, нясенню крыжа адзін аднаго.
Зараз на сайце 6 гасцей і ніводнага зарэгістраванага