У гэтым годзе ў пілігрымку ў Будслаў я вырашыла пайсці з Глыбокага. Чаму так? Неяк абставіны склаліся. Гэта была адзіная пілігрымка, на пачатак якой мне было зручна дабірацца з Мінску. Да ўсяго, прага новых уражанняў, знаёмстваў і асваення невядомых тэрыторый заўжды вабіла да сябе.
Шлях да Будслава распачаўся 29 чэрвеня, ва ўрачыстасць святых апосталаў Пятра і Паўла, святой Імшой у святыні. Атрымаўшы сімвалы пілігрыма - бэйдж і спеўнік - калона сфармавалася на пляцы і вырушыла ў шлях. Кіраўнік пілігрымкі кс. Іван Кароткін.
Незабыўная пілігрымка адбылася для нашых парафіянаў 23-24 чэрвеня. У гэтыя дні мы разам з нашым пробашчам кс. Мікалаем і с. Людмілай наведалі цудоўныя храмы Мінска–Магілёўскай і Гродзенскай дыяцэзіі.
9 чэрвеня ў Оршы адбылося асвячэнне новага касцёла Беззаганнага Сэрца Найсвяцейшай Панны Марыі. Абрад асвячэння здзейснілі арцыбіскуп Тадэвуш Кандрусевіч, мітрапаліт Мінска-Магілёўскі і біскуп Віцебскай дыяцэзіі Алег Буткевіч. На заканчэнне ўрачыстасці пробашч парафіі ксёндз Валерый Орсік уручыў падзякі прысутным біскупам і святарам тых парафій, вернікі якіх дапамаглі сваімі “цаглінкамі”-ахвяраваннямі ў будове новай святыні. Такую падзяку атрымаў на рукі і наш пробашч кс. Мікалай Ціхановіч.
31 мая, ва ўрачыстасць Божага Цела, вернікі парафіі Святой Тройцы ў Глыбокім прайшлі Эўхарыстычнай працэсіяй па вуліцах роднага горада.
Зараз на сайце 6 гасцей і ніводнага зарэгістраванага