24 снежня ў вігілію Божага Нараджэння вернікі Глыбоцкай парафіі сабраліся ў святыні на Імшу пастэрку. Святочную Літургію ўзначаліў пробашч Мікалай Ціхановіч у канцэлебры разам з вікарыямі кс. Іванам Кароткіным і кс. Віталіем Бяленікам.
Дарагія глыбачане!
Паважаныя браты і сёстры ў Хрысце!
“Праўда вырасце з зямлі, а справядлівасць выгляне з нябёс.
Бо Гасподзь дасць добразычлівасць,
а зямля наша дасць плод свой” (Пс 85,12-13)
Па-лацінску «oblatum» — ахвярны дар. Дзелячыся аплаткам, мы ахвяруем іншаму чалавеку нашу ўдзячнасць, прабачэнне, мы дзелімся з ім сваёй дабрынёй. Дзяленне аплаткам пасля прачытанага ўрыўка з Евангелля і малітвы з’яўляецца найважнейшым момантам вігілійнай вячэры.
22 снежня ў нашым касцёле была апошняя ў 2018 годзе раратняя св. Імша. У гэтым годзе іх было толькі 8 і штораз вялікая колькасць дзяцей прымала ўдзел. Каб аддзячыць дзеткам за іх ахвярнасць так рана ўставаць, да іх завітаў сам св. Мікалай.
Сапраўдным калядным падарункам для нашай парафіі сталі два новыя канфесіяналы. 20 снежня 2018 года ў нашым касцёле яны былі ўсталяваныя, а 21 снежня, у першы дзень адвэнтавых рэкалекцый, сімвалічна, бо гэта асаблівы час перад святамі для паяднання і навяртання, пасля ранішняй св. Імшы кс. Мікалай асвяціў іх і яны "прынялі" сваіх першых пенітэнтаў.
Зараз на сайце 55 гасцей і ніводнага зарэгістраванага