Як мы ўжо нагадвалі, у час пандэміі душпастырскага наведвання сем’яў не будзе. Але па ініцыятыве саміх вернікаў будуць адпраўлены св. Імшы за тыя сем’і, якія пажадаюць прыйсці ў касцел, каб прасіць Божага бласлаўлення на новы год для сваёй сям’і.
24 снежня ў вігілію Божага Нараджэння вернікі Глыбоцкай парафіі сабраліся ў святыні на Імшу пастэрку. Святочную Літургію ўзначаліў вікарый кс. Алег Зямчонак у канцэлебры разам з кс. пробашчам Мікалаем Ціхановічам і кс. вікарыем Яўгенам Шымановічам.
19 снежня ў нашай парафіі тры кандыдаты ўрачыста былі прыняты ў шэрагі міністрантаў. Андрэй Петрашоў, Мацвей Марціновіч, Артур Шаршнёў шчыра рыхтаваліся да гэтага дня і хваляваліся. Падрыхтоўкай будучых міністрантаў займаліся кс. Яўген Шымановіч разам са старэйшымі хлопцамі - лектарамі.
З 17 па 19 снежня ў нашай парафіі праходзяць адвэнтавыя рэкалекцыі. Праводзіць іх кс. канонік Віктар Місевіч, канцлер курыі Віцебскай дыяцэзіі і галоўны рэдактар «Каталіцкага Весніка».
13 снежня ў касцёле Святой Тройцы сустрэліся святары і кансэкраваныя асобы Глыбоцкага рэгіёну. У спатканні прынялі ўдзел Старшыня ККББ, біскуп Віцебскі Алег Буткевіч, прадстаўнікі курыі і духавенства з чатырох дэканатаў Віцебскай дыяцэзіі – Мёрскага, Докшыцкага, Шаркаўшчынскага і Глыбоцкага.
Зараз на сайце 98 гасцей і ніводнага зарэгістраванага